Վստահ չեմ, որ քաղաքացիների հակաճգնաժամային ծրագրերից դուրս են մնում անհիմն պատճառաբանություններով, որովհետև բոլոր մերժումների դեպքում կան դրանք հիմքերը: Այս մասին «Առաջին լրատվական»-ի հետ զրույցում նշեց Աշխատանքի և սոցիալական հարցերի նախարար Զարուհի Բաթոյանը:
«Այսօր հավանաբար կամ վաղը ամփոփ վերլուծությունը ես կհրապարակեմ, մենք ստացել ենք 1,4 մլն դիմում, որովհետև դիմումների մի մասը նույն քաղաքացուց է մի քանի անգամ: Այս պահին չմշակված, վերջնական պատասխան չստացած դիմումների թիվը 4500 հազարի կարգի է; Դրանից 3500-ը մենք ուղարկել ենք ՔԿԱԳ, որովհետև տվյալների ճշտման կարիք կա: Հավանաբար դրանք դեռևս չթվայնացված տվյալներն են, գուցե առաջիկա շաբաթվա ընթացքում մենք այդ պատասխանները կստանանք: Հաջորդը մոտ հազար դիմում վերաբերում է տարբեր տեխնիկական խնդիրների: Օրինակ, դրանք կարող են լինել ծննդյան վկայականներ, որ օտար լեզվով են, կարող են լինել փաստաթղթեր, որոնց նույնականացումը բարդ է և այլն»: