Հունիսի 4-ին նոր տեսակի կորոնավիրուսից՝ Covid-19-ից, Թուրքիայում մահացել է 21 մարդ։ Այդ մասին հայտնել է Թուրքիայի առողջապահության նախարար Ֆահրեթթին Քոջան «Twitter» միկրոբլոգի իր պաշտոնական էջում ։
Անցած 1 օրվա ընթացքում արվել է 54․234 թեստավորում, հաստատվել է կորոնավարակի 988 նոր դեպք։ Նույն ժամանակահատվածում գրանցվել է վարակակիրների մահվան 21 դեպք, իսկ ապաքինման 926 դեպք:
Թուրքիայում մինչև օրս համավարակից ապաքինվել է 131.778 մարդ, իսկ 602 հիվանդ էլ գտնվում է վերակենդանացման բաժանմունքում։
Ըստ, վերջին տվյալների՝ Թուրքիայում ընդհանուր առմամբ արձանագրվել է վարակման 167․410, մահվան՝ 4․630 դեպք։ Կատարվել է 2․209․583 թեստավորում։
Կորոնավիրուսի պիկը Թուրքիայում գրանցվել է ապրիլի վերջին։ Այժմ, ըստ հրապարակված տվյալների, երկրում կորոնավիրուսի վարակման դեպքերի թիվն աստիճանաբար նվազում է։