Facebook սոցիալական ցանցը սկսել է նշել պետության կողմից վերահսկվող լրատվամիջոցների հրապարակումները և խմբերը: Ավելի ուշ նշվելու է նաեւ նրանց գովազդը, այս մասին ասվում է ընկերության տարածած հաղորդագրության մեջ:
Նշանը, որ ԶԼՄ-ն պատկանում է պետությանը, հայտնվել է Ռուսաստանի պետական RT հեռուստաալիքի, չինական CCTV հեռուստաալիքի և չինական Xinhua լրատվական գործակալության էջում: Բացի նշվածներից նշանը հայտնվել է նաեւ Չինաստանի կոմունիստական կուսակցության կենտկոմի պաշտոնական թերթի՝ «Ժողովրդական օրաթերթի» պաշտոնական էջում:
Մինչև տարեվերջ, ԱՄՆ նախագահական ընտրություններին ավելի մոտ, նման էջերին կարգելվի տվյալ երկրի օգտատերերի համար գովազդ տեղադրել: Ֆեյսբուքում պարզաբանել են, որ եթե այս նշանը ստացող կազմակերպությունը համաձայն չէ ցանցի որոշման հետ, ապա կարող է այն բողոքարկել:
