Լուրեր
Հայաստանում այսօր քաղաքական դաշտ չկա, ճահիճ է․ Սամվել Սևադա

«Աշխարհում կորոնավիրուսից հետո բավականին մեծ դրական փոփոխություններ կլինեն, բայց դա մեր ժողովրդին չի վերաբերում: Մեր ժողովուրդը ինչպիսին կար, այդպիսին էլ մնում է, մեր ժողովուրդը չի ենթարկվում օրենքի, թեև ընտրված կառավարություն ունի, որին մեծ մասը առայժմ սիրում է… Մեզ ոչ թե մահակ, այլ ավելի վատ բան է պետք, շատ խստություններ են պետք, մեր ժողովուրդը փափուկ կերպով ասվածը չի հասկանում»,- «Առաջին լրատվական»-ի հետ զրույցում այս մասին ասաց գեղանկարիչ, արվեստի վաստակավոր գործիչ Սամվել Սևադան:

Ներքաղաքական իրավիճակը հաշվի առնելով՝ համավարակի դեմ պայքարի կոշտ մեթոդներն արդյո՞ք չեն բերի ավելի սրացման և արդյո՞ք չեն քննադատվի մարդու հիմանարար իրավունքները ոտնահարելու համար: Անդրադառնալով այս հարցին՝ Սամվել Սևադան նշեց, որ Հայաստանում ներքաղաքական դաշտ չկա. «Ես քաղաքական դաշտ չեմ տեսնում, տեսնում եմ խայտառակ ճահիճ, որին հնարավոր չէ քաղաքական դաշտի մշակույթ վերագրել: Ընդդիմադիր դաշտ չկա, ընդդիմադիրները թաքնված էին, հիմա շատ լավ դեմքները բացեցին… Իմքայալականները լավ երիտասարդներ են, հույս ունենք, որ պետք է զարգանան, նրանց խոսքը պետք է տեղ հասնի, բայց առայժմ այդպես չէ… Նրանք անփորձ են, իրավիճակն էլ թույլ չի տալիս: Ընդդիամդիրներ կոչվածը լավ նախապատրաստված էին, ծուղակ մտած այս օրերին էին սպասում: Տեսեք՝ կորոնավիրուսը Հայաստանում մարդ է ուտում, իսկ ընդդիմությունը, մեկ է, չի հանգստանում: Համավարակը վերակենդանացրել է որոշ սուբյեկտների, և նրանք ակտիվ թշնամական գործողությունների են անցել մեր ժողովրդի դեմ»:

«Հանրությունը սկսում է դավաճանել վարչապետին, որովհետև անհավատ է դարձել, շատ ուժեղ ուժեր կան, որոնք ժողովրդին բզբզում են, և ժողովուրդը թերահավատություն է դրսևորում՝ դիմակ չի կրում, չի հետևում ցուցումներին… Իշխանությունը պետք է բռունցք ցուցաբերի հենց հանուն ժողովրդի»:

Մանրամասն՝ տեսանյութում:

  • Դիտումներ՝ *