ԱՄՆ-ը մի շարք երկրների 180 միլիոն դոլար է հատկացրել ԹԱՇ սարքավորումներ ձեռք բերելու համար, որոնք օգտագործվում են կորոնավիրուսով հիվանդների բուժման համար, հաղորդել է ԱՄՆ պետքարտուղար Մայք Պոմպեոն։
Նա չի հայտնել, թե որ երկրների մասին է գնում խոսքը։
Նա նաև ասել է, որ ԱՄՆ-ը 14 միլիոն դոլար է ուղղել փախստականների և ներգաղթյալների օգնության համար։
Ընդհանուր առմամբ, Պոմպեոյի խոսքերով, կորոնավիրուսի կապակցությամբ ԱՄՆ-ը 11 միլիարդ դոլար է հատկացրել արտասահմանյան օգնությանը՝ ինչպես պետական, այնպես էլ մասնավոր միջոցներից։