Ամերիկացի ձեռներեց և հասարակական գործիչ Բիլ Գեյթսը հաղորդել է, որ 100 միլիոն դոլար է ուղարկել Պատվաստանյութերի և իմունիզացիայի գլոբալ դաշինքին (GAVI)՝ կորոնավիրուսի դեմ պատվաստանյութն ավելի մատչելի դարձնելու համար:
Գումարը հատկացվել է Բիլ և Մելինդա Գեյթս հիմնադրամից: Միջոցները կուղղվեն այն բանին, որ վարակի դեմ պատվաստանյութի մշակումից հետո հնարավոր լինի այն ավելի արագ տրամադրել կարիքավոր երկրներին, հատկապես՝ աղքատ:
«Դա մեզ թույլ կտա անել հնարավորը, որպեսզի պատվաստանյութի մշակումից հետո այն հասանելի լինի բոլոր կարիք ունեցողներին»,- ասել է Գեյթսը GAVI-ի գագաթնաժողովի ժամանակ:
Աշխարհում կորոնավիրուսով վարակվել է ավելի քան 6.6 միլիոն մարդ, ապաքինվել է ավելի քան 3.2 միլիոն հիվանդ, մահացել է գրեթե 390 հազար մարդ: