Այսօր Ազգային ժողովում տեղի ունեցավ արտահերթ նիստ, այն ամբողջությամբ վերաբերում էր համավարակին: Համավարակի վիճակագրությունը պահանջում է օպերատիվ լուծումներ:
Թեմայի շուրջ «Առաջին լրատվական»-ի հետ քննարկմանը մասնակցեցին ԲՀԿ խմբակցության պատգամավոր Սերգեյ Բագրատյանը, «Լուսավոր Հայաստան» խմբակցության պատգամավոր Հարություն Բաբայանը և «Իմ քայլը» խմբակցության պատգամավոր Վիկտոր Ենգիբարյանը:
«Ազգային ժողովը սպասարկում է հանրային սպասելիքները. այսօր գերակա խնդիրը համավարակն է. ինչպես դուրս գանք համավարակից հնարավորինս քիչ տուժելով: Ընդդիմությունը պահանջում է ավելին, իշխանությունն անում է այնքան, որքան կարողանում է»,- նշեց Սերգեյ Բագրատյանը՝ հավելելով, որ ԱԺ-ում քաղաքակիրթ բանավեճեր են:
Այս իրավիճակում իշխանությանը պետք է օգնե՞լ, թե՞ խփելու ժամանակն է: Այս հարցին ի պատասխան՝ Հարություն Բաբայանը նշեց. «Բոլորս նույն նավի մեջ ենք, տարբեր ձևով թիավարելու հնարավորություն չկա… Սա մենակ լուծելու հարց չէ, անհրաժեշտ է լսել փորձառու մարդկանց, ներգրավել պրոֆեսիոնալներին:
Անդրադառնալով կորոնավիրուսի դեմ պայքարը բոյկոտելու, դիմակ չկրելու կոչերին, Սերգեյ Բագրատյանը նշեց. «Բոլոր հասարակություններում կա հիմարների որոշակի քանակ, նրանց հետ միասին կան նաև որոշակի շահերի դաշտում գործող «հիմարներ», որոնք չեն հասկանում, որ առկա վտանգները շատ ավելի մեծ են, քան իշխանությանը խփելու գայթակղությունը: Սա իշխանությանը խփելու ժամանակը չէ, դա կլինի մեջքից խփել: Այս «պատերազմում» մենք նույն դաշտում ենք, եթե պարտվենք, պարտվելու ենք բոլորս»:
Վիկտոր Ենգիբարյանի խոսքով՝ իրավիճակի ամենամեծ խնդիրներից մեկը ապատեղեկատվությունն է:
Մանրամասն՝ տեսանյութում: