Մենք քննարկում ենք մի քանի սցենարներ, ընդ որում քննարկում ենք նաև այդ սցենարների տնտեսական հնարավոր հետևանքները։ Այս համատեքստում էլ որոշում կկայացնենք։ Այս մասին ճեպազրույցի ժամանակ ասաց ՀՀ վարչապետ Նիկոլ Փաշինյանը՝ պատասխանելով հարցին՝ արդյոք պատրաստվում են վերադառնալ խիստ սահմանափակումների փուլին։
«Այսօր քննարկում էինք, որ նույնիսկ այդ հաշվարկների արդյունքներով կարող ենք գալ այն եզրակացության, որ տնտեսապես այդ բեռը կլինի անտանելի, և մենք ստիպված կլինենք այլ ճանապարհ գտնել։ Մենք հիմա մի քանի սցենարներ ենք քննարկում և դրանցից մեկով որոշում կկայացվի»,-ասաց վարչապետը։