Թուրքիայում հունիսի 1-ին Covid-19 նոր տիպի կորոնավիրուսից մահացել է 24 մարդ։ Այդ մասին Twitter-ի իր պաշտոնական էջում հաղորդել է Թուրքիայի առողջապահության նախարար Ֆահրեթին Քոջան։
Նա նաև նշել է, որ 1 օրվա ընթացքում արված 52․305 թեստի արդյունքում կորոնավարակի 867 նոր դեպք է հաստատվել։ Նույն ժամանակահատվածում գրանցվել է վարակակիրների մահվան 24 դեպք, իսկ ապաքինման 931 դեպք:
Պաշտոնական տվյալների համաձայն` Թուրքիայում մինչև օրս կորոնավիրուսից ապաքինվել է 130.852 մարդ, 612 հիվանդ գտնվում է վերակենդանացման բաժանմունքում։
Այսպիսով, վերջին տվյալների համաձայն, Թուրքիայում ընդհանուր արձանագրվել է վարակման 166․422, իսկ մահվան 4․609 դեպք։ Թեստավորումների թիվը հասել է 2․155․349-ի։
Այժմ, ըստ հրապարակված տվյալների, երկրում կորոնավիրուսի վարակման դեպքերի թիվն աստիճանաբար նվազում է։
