Ցավոք, քաղաքացիները չեն դրսևորում պատասխանատու վարք. Ես սա չեմ ասում նրա համար, որ ամբողջ պատասխանատվությունը քաղաքացիներինն է: Այս մասին «Առաջին լրատվական»-ի հետ զրույցում նշեց «Իմ քայլը» խմբակցության պատգամավոր Արփի Դավոյանը:
«Սակայն եթե յուրաքանչյուրն իր անհատական պատասխանատվությունը զգա, որ այս խնդիրը լուծելու համար ինքն ունի իր անհ անհատական պատասխանատվությունն իր հարազատների, հարևանների նկատմամբ, հասկանա, որ իր վարքագծից կախված է այս ամբողջ իրավիճակի հանգուցալուծումը, այս դեպքերը մենք չենք ունենա:
Ոստիկանությունն աշխատում է իր բոլոր ուժերով, միգուցե որոշ տեղեր թերանում է, բայց ես կարող եմ նաև ասել հստակ դեպքեր, երբ ոստիկանները մտնում են ավտոբուս, հետևում են մարդկանց դիմակ կրում են, թե ոչ: Իսկ երբ ոստիկանը դուրս է գալիս, մարդը նորից դիմակն իջեցնում է:
Հիմա ոստիկանը ինչ անի, երբ ինքը հսկում է, դուրս է գալիս, իսկ քաղաքացին նորից իջեցնում է դիմակը»,-ասաց Դավոյանը:
