Մինեսոտայի նահանգից սենատոր Էմի Քլոբուշարը հայտարարել է, որ նահանգի գլխավոր դատախազ Քիթ Էլիսոնը մեղադրանք է առաջադրել ևս երեք ոստիկանների, որոնք մոտակայքում են գտնվել այն ժամանակ, երբ իրենց գործընկեր Դերեկ Շովինը խեղդում էր Ջորջ Ֆլոյդին: Այս մասին սենատորը գրել է Twitter- ում:
Ըստ նրա, գլխավոր դատախազը վերաորակավորել է Ֆլոյդի գործով Շովինի դեմ մեղադրանքները երկրորդ կարգի սպանության, ինչպես նաև մեղադրանք է առաջադրել ևս երեք ոստիկանի:
«Սա ևս մեկ կարևոր քայլ է դեպի արդարադատություն», – ավելացրել է Քլոբուշարը:
Հիշեցնենք, որ մայիսի 25-ին Մինեապոլիսի ոստիկանները բռնել էին աֆրոամերիկացի Ջորջ Ֆլոյդին։ Ձերբակալելու պահին ոստիկանը տղամարդուն պառկեցրել է գետնին ու ծնկով սեղմել է նրա վզին։ Անտեսելով տղամարդու շնչել չկարողանալու մասին խոսքերը՝ ոստիկանը հրաժարվել է նրան բաց թողնել, ինչի հետևանքով Ֆլոյդը մահացել է: