Կաննի միջազգային 73-րդ կինոփառատոնին այս տարի կներկայացվի հայ ռեժիսոր Նորա Մարտիրոսյանի «Եթե քամին վրա հասնի» ֆիլմը։ Այս մասին Facebook–ի իր էջում տեղեկացրել է «Ոսկե ծիրան» միջազգային կինոփառատոնի ծրագրերի տնօրեն Կարեն Ավետիսյանը։
Փառատոնի արտ-տնօրեն Թիերի Ֆրեմոն ու նախագահ Պիեր Լեսկյուրը հայտարարել են, թե ինչ ֆիլմեր են ընտրել Կաննի 73-րդ կինոփառատոնի համար։
The First Features ծրագրին մասնակցում է հայ ռեժիսոր Նորա Մարտիրոսյանի Si Le Vent Tombe (Should the wind fall) «Եթե քամին վրա հասնի» ֆիլմը, որը Բելգիայի, Ֆրանսիայի ու Հայաստանի համատեղ արտադրությունն է։
Ըստ սյուժեի՝ միջազգային աուդիտոր Ալենն Արցախ է գալիս՝ գնահատելու համար ինքնահռչակ հանրապետության օդանավակայանը։ Էդգարը` տեղացի տղան, թափառում է օդանավակայանում ու տարօրինակ գործով է զբաղվում։ Վերջիվերջո տղամարդն ու տղան հանդիպում են։
Հիշեցնենք, որ Կաննի փառատոնը տեղի էր ունենալու մայիսին, սակայն համավարակի պատճառով փառատոնը չի կայանա, և կազմկոմիտեն որոշել է հայտարարել ընտրված ֆիլմերը։
https://www.facebook.com/karen.avetisyan.142/posts/4092556484118403