Ֆրանսիան Ռուսաստանի մասնակցությամբ G8 ձևաչափին վերադարձի պատճառ չի տեսնում: Այս մասին հայտնում է Reuters-ը՝ հղում անելով Ելիսեյան պալատի ներկայացուցչին:
Նա նշել է, որ եղել են հատուկ պատճառներ՝ Մոսկվան «Մեծ ութնյակից» բացառելու համար: Այս պահի դրությամբ իրավիճակը չի փոխվել, գտնում են Ֆրանսիայում: Այնուամենայնիվ, անհրաժեշտ է Ռուսաստանի հետ երկխոսության այլ ուղիներ որոնել:
Ավելի վաղ ԱՄՆ նախագահ Դոնալդ Թրամփը հանդես էր եկել G7-ում Ռուսաստանի ներկայության օգտին: Նա նշել է, որ G7-ում բարձրացվող թեմաների կեսը պետք է քննարկվի նաև Ռուսաստանի հետ, ուստի գագաթնաժողովի անցկացումն առանց նախագահ Վլադիմիր Պուտինի՝ ժամանակի անօգուտ վատնում է:
