Լուրեր
Մենք դարձել ենք համաճարակային գերտերություն, պետք է լինեն խիստ պատժամիջոցներ

Ազգային ժողովն այսօր ընդունեց «Հանրաքվեի մասին» սահմանադրական օրենքում փոփոխություններ և լրացումներ կատարելու մասին» օրենսդրական փաթեթը: Սահմանադրական փոփոխությունների հանրաքվեն չեղարկելու մասին այս օրենքը, ըստ շատ դիտարկումների, ճանապարհ է բացում դեպի Սահմանադրական դատարանում առաջացած ճգնաժամը հանգուցալուծելու նոր նախաձեռնության համար:

Պարետատունն այսօր նոր խստացումներ է սահմանել. դիմակի կրումը բաց տարածքներում ևս կդառնա պարտադիր: Արդյո՞ք ճիշտ է նման խստացումներ իրականացնելը:

Այս և այլ թեմաների շուրջ «Առաջին լրատվական»-ի հետ քննարկմանը մասնակցեցին ԱԺ «Իմ քայլը» խմբակցության պատգամավոր Վահագն Հովակիմյանը, ԱԺ գերագույն խորհրդի նախկին պատգամավոր Ազատ Արշակյանը, «Քաղաքացու որոշում» կուսակցության գործադիր մարմնի անդամ Միքայել Նահապետյանը:

Ազատ Արշակյանն ընդգծեց, որ Հայաստանը դարձել է համաճարակային գերտերություն, և պետք է ոչ միայն խստացումներ իրականացնել, այլ նաև պատժամիջոցներ կիրառել: «Վարակը պետք է ընդունել որպես զենք, հակառակորդի զենքը մեր մեջ տարածողները հանցանք են գործում, հարկավոր է կանխարգելող խիստ միջոցառումներ իրականացնել, և ովքեր չեն հետևում, պետք է պատժվեն. գիտակցաբար հիվանդությունը տարածելը քրեական հանցագործություն է: Վարակի տարածման օջախները պետք է փակվեն… Իշխանության գործն է պարտադրել կարանտինը»:

Միքայել Նահապետյանի խոսքով՝ կոշտ խստացումները լուծում չեն, ամեն ինչ բաց թողնելը նույնպես լուծում չէ, ինչ-որ կերպ պետք է կյանքը կազմակերպել. այդ ուղղությամբ պետք է մտածել:

«Քաղաքացին մեզ համար ոչ թե սուբյեկտ է, որին պետք է ճիպոտես, այլ գործընկեր է, բայց այնպիսի իրողություն ստեղծվեց, որ մարդկանց առողջությունը պահպանելու համար ոստիկանական հսկողություն սահմանելու անհրաժեշտություն առաջացավ»,- նշեց Վահագն Հովակիմյանը:

 

Մանրամասն՝ տեսանյութում:

  • Դիտումներ՝ *