Մարդու իրավունքների եվրոպական դատարանը հրապարակել է խորհրդատվական կարծիքը Սահմանադրական դատարանի դիմումի վերաբերյալ, որն առնչվում է Սահմանադրական կարգի տապալման մեջ մեղադրվող Ռոբերտ Քոչարյանի քրեական գործին: Խորհրդատվական կարծիքի համար ՍԴ-ն ՄԻԵԴ էր դիմել 2019-ին։ Թեմայի շուրջ «Առաջին լրատվական»-ը զրուցել է փաստաբան Դավիթ Հակոբյանի հետ:
Շատերը պնդում են, որ ՄԻԵԴ-ի կարծիքը չի կարող փրկօղակ դառնալ Ռոբերտ Քոչարյանի համար: ՄԻԵԴ-ի կարծիքը տարբեր կերպ է մեկնաբանվում տուժողների կամ տուժողների իրավահաջորդների ներկայացուցիչների և Ռ. Քոչարյանի պաշտպանների կողմից:
Անդրադառնալով այս դիտարկմանը՝ Դավիթ Հակոբյանը նշեց, որ Քրեական իրավունքում երկու հիմնական սկզբունք կա, որոնք այստեղ արծարծվում են, առաջինը՝ անձը կարող է դատապարտվել մի արարքի համար, որը կատարման պահին համարվում է հանցագործություն, երկրորդ՝ օրենքը պետք է ձևակերպված լինի այնպես՝ հստակության ու որոշակիության առումով, որ անձը կանխատեսի իր արարքների հետևանքները. «ՄԻԵԴ-ի խորհրդատվական կարծիքը պտտվում է այդ երկու սկսզբունքների շուրջ… ՄԻԵԴ-ը դրեց որոշակիության սկզբունք, որ Քոչարյանի գործով ՍԴ-ն պետք է փաստական տվյալներ բերեր, ոչ թե աբստրակտ…»:
Մանրամասն՝ տեսանյութում: