Հայաստանում բնության, շրջակա միջավայրի պահպանության խնդիրները բազմաթիվ են և անգամ բավականին բարդ է դրանք դասակարգել ըստ առաջնահերթության: Միևնույն ժամանակ, սակայն, կա մեկը, որ առանձնանում է իր բավականին լայն համատեքստով, և որը, մեծ հաշվով, հետհեղափոխական Հայաստանի գլխավոր «թեստերից» մեկն է լինելու՝ Ամուլսարի հարցը, որն, անկասկած, ոչ միայն բնապահպանական, տնտեսական, նաև ներքին քաղաքական, այլև արտաքին տնտեսա-քաղաքական հարաբերության հարց է: Խոսելու ենք Ամուլսարի ճակատարից, կանդրադառնանք նաև բնապահպանական այլ խնդիրների ևս։ Թեմայի շուրջ «Առաջին լրատվական»-ը զրուցել է Հայկական բնապահպանական ճակատի ներկայացուցիչներ Լևոն Գալստյանի և բնապահպան Աննա Շահնազարյանի հետ:
Կորոնավիրուսը և ընթացիկ զարգացումները անուշադրության են մատնել հարցը, մղել այն երկրորդ պլան, բայց հարցի նշանակությունը դրանից չի նվազում ամենևին, որովհետև թե՛ նախակորոնավիրուսային, թե՛ հետկորոնավիրուսային աշխարհում Հայաստանի համար այդ հարցը պահանջում է լուծում, և այդ լուծումը որևէ պարագայում ունենալու է էական քաղաքական նշանակություն՝ տնտեսական ու բնապահպանականից բացի: Փոխվարչապետ Տիգրան Ավինյանի դեմ դատական հայց եք ներկայացրել, վճռին սպասում եք հունիսի 5-ին։ Ի՞նչ եք պահանջում Ավինյանից ու ի՞նչ սպասելիք ունեք, ըստ ձեզ, ոչ անթերի դատական համակարգից։
