Լրագրող Ջեք Սոմերսն իր վրա է փորձարկել կորոնավիրուսային պատվաստանյութը և իր տպավորություններով կիսվել է The Independent-ի հետ:
Սոմերսը փորձարկումների է մասնակցել 3 շաբաթ առաջ: Դրանից առաջ լրագրողը առանձին բանկային հաշիվ է բացել, որտեղ հիվանդանոց գնալու համար նրան են փոխանցել £235, հանձնել է հետազոտությունները, դիտել ուսուցողական տեսանյութը եւ մասնակցել օնլայն հարցմանը:
Ներարկումը, ինչպես պատմում է Սոմերսը, անցավ էր: Պատվաստանյութն ընդունելուց հետո նրան խորհուրդ են տվել ախտանշանների օրագիր պահել: Ըստ լրագրողի, ամենավատ ախտանիշը պարանոյան է:
Ներարկումից հետո մի քանի անգամ բարձրացել է նրա ջերմությունը, չնայած, ինչպես նշում է Սոմերսը, դա կարող էր իրեն թվալ ներշնչանքից:
«Ուզում եմ թոռներիս պատմել, որ ես փորձարկել եմ պատվաստանյութը, որը փրկել է մարդկությանը»,-ասել է լրագրողը:
Նա նշել է, որ ամեն դեպքում չի փոշմանի փորձարկումներին մասնակցելու համար, եթե նույնիսկ պատվաստանյութը, որը փորձարկել են նրա վրա, չօգնի հաղթահարել հիվանդությունը: