Եվրոպայում մինչ այժմ ոչ մի երկիր իմունիտետ ձեռք չի բերել նոր կորոնավիրուսային վարակի նկատմամբ: Այս մասին հաղորդել է Առողջապահության համաշխարհային կազմակերպության Եվրոպական տարածաշրջանային գրասենյակի արտակարգ իրավիճակների գծով ավագ մասնագետ Քեթրին Սմոլվուդը, փոխանցում է «ՌԻԱ Նովոստին»:
Նրա խոսքով, եվրոպական երկրների մեծամասնությունում դեռ COVID-19-ի նոր դեպքեր են գրանցվում:
«Կարող ենք ասել, որ Եվրոպայում չկա մի երկիր, որտեղ իմունիտետ կա այս հիվանդության նկատմամբ,- ասել է Սմոլվուդը առցանց ճեպազրույցի ժամանակ:
Միևնույն ժամանակ նա հավելել է, որ Իտալիայում վարակի փոխանցումը վերահսկվում է:
Հունիսի 3-ի դրությամբ, Ռուսաստանի 85 շրջաններում հայտնաբերվել է կորոնավիրուսի 432.277 դեպք, ապաքինվել է 195.957 մարդ, մահացել՝ 5.215-ը:
