Բեռլինում սեքսուալ ծառայությունների ոլորտի աշխատողները բողոքի ցույց են անցկացրել նոր տեսակի կորոնավիրուսային համաճարակի ֆոնին աշխատանքի բացակայության պատճառով, հաղորդում է «ՌԻԱ Նովոստին»:
Ակցիային, որը տեղի է ունեցել Բրանդենբուրգյան դարպասների մոտ, մասնակցել է մոտ 40 մարդ:
Ակցիայի մասնակիցները եղել են կարմիր հովանոցներով, որոնք սեքս-ինդուստրիայի աշխատողների իրավունքների ոտնահարման դեմ ուղղված շարժման խորհրդանիշն են: Հովանոցների վրա մակագրություններ են եղել՝ «սեքսը նույնպես աշխատանք է»:
Բացի այդ, ցուցարարները «շվեդական մոդելը» քննադատող պաստառներ են ունեցել, մոդել, ըստ որի քրեականացվելու է սեքս-ծառայություններից օգտվելը, այսինքն՝ պատժվելու է հաճախորդը:
