Այսօր՝ հունիսի 2-ին, Ազգային ժողովում շարունակվում է հերթական նիստը: Այժմ քննարկվում է Քաղաքացիական օրենսգրքում լրացում կատարելու մասին օրենքի նախագիծը:
«30 տարվա մեջ ֆինանսական գրագիտություն չենք արել, և հիմա ասում ենք` եկել այլ ձև անենք: Ամբողջ հարցն այն է, որ ձեր առաջարկած «այլ ձևը» վնասելու է, ոչ թե օգուտ է տալու: Ես պնդում եմ, որ խնդիրը չի լուծվելու»,- դիմելով նախագծի հեղինակ Արկադի Խաչատրյանին` ասաց «Իմ քայլի» պատգամավոր Տիգրան Ուլիխանյանը:
Նրա խոսքով` պետք է հասնել նրան, որ մարդիկ ավելի դժվար վարկ ստանան, ավելի գրագետ վերլուծություններով:
Ի պատասխան` Արկադի Խաչատրյանն ասաց. «Դուք նորմա՞լ եք համարում, երբ պարտապանի կովը չեն տանում, երաշխավորի կովն են տանում` ասելով, որ նրա կովը զոքանչի անունով է գրված»:
Մանրամասները՝ տեսանյութում:
