ՄԻԵԴ-ը ամբաստանյալ Ռոբերտ Քոչարյանի գործով հրապարակել է խորհրդատվական կարծիք: Կա տեսակետ, որ ՄԻԵԴ կարծիքը չդարձավ փրկօղակ սահմանադրական կարգի տապալման մեջ մեղադրվող ՀՀ երկրորդ նախագահի համար: Այս տեսակետը «Առաջին լրատվական»-ի հետ զրույցում վերահաստատեց նաև Մարտի 1-ի գործով տուժածների և տուժածների իրավահաջորդների ներկայացուցիչ, փաստաբան Սեդա Սաֆարյանը:
Դեռևս այս որոշումը չէր ծնվել, երբ դատարանի դահլիճում մեղադրանքի կողմը, դատախազները մանրամասնությամբ վերլուծել են 301-րդ հոդվածի իրավական որոշակիության հարցը, ժամանակին ունեցել ենք նաև միջազգային կառույցների դիրքորոշումը և տեսակետը 301-րդ հոդվածի իրավական որոշակիության վերաբերյալ, և այդ դիրքորոշումը չէր կարող փոխվել: Առավել ևս՝ այդ կարծիքը չէր կարող փոփոխվել այն դեպքում, երբ Եվրոպական դատարանը Մարտի 1-ին վերաբերվող բազմաթիվ գործեր է լսել… Այնպես չէ, որ ՄԻԵԴ-ը անտեղյակ էր և կարող էր մոլորվել ու այնպիսի որոշում կայացնել, ինչպիսին սպասում էր մեր «խելոք» Սահմանադարական դատարանը»: Սեդա Սաֆարյանի գնահատմամբ՝ Սահմանադրական դատանի դիմումը ՄԻԵԴ-ին ամոթալի էր:
«Չի կարող մի երկրում արդարադատության համակարգն այսքան ձախողված բնույթ կրել, ինչպես մեր երկրում է, սա արդարադատության համակարգի նահանջի մասին է խոսում, մի մասին հետախուզում է հայտարարվել, չեն կարողանում գտնել, մյուս մասը հիվանդ է, չի կարող պատիժ կրել, և սա մասսայական բնույթ է կրում, նշեց փաստաբանը,- սա սաբոտաժ է, արդարադատության համակարգը պետք է վերականգնվի, կոնկրետ գործեր պետք է արվեն»:
Մանրամասն՝ տեսանյութում: