ԱՄՆ նախագահ Դոնալդ Թրամփը հայտարարել է, որ մոբիլիզացնում է ռազմական և քաղաքացիական ռեսուրսները՝ երկրում անկարգությունները դադարեցնելու համար, հայտնում է Reuters-ը:
Պետության ղեկավարը նախատեսում է մոբիլիզացնել առկա բոլոր ռեսուրսները: Նրա կարծիքով՝ սա պետք է օգնի դադարեցնել նահանգներում հրկիզման, թալանի և անկարգությունների շարքը:
«Մենք պետք է վերջ տանք ավերածություններին եւ հրկիզումներին և պաշտպանենք օրինապահ ամերիկացիների իրավունքները», – ասել է Թրամփը:
Ըստ քաղաքական գործչի, նա խստորեն հրամայել է, որ նահանգապետներն Ազգային գվարդիայի բավարար քանակ տեղակայեն: Եթե նահանգը հրաժարվի այնպիսի գործողություններից, որոնք կարող են պաշտպանել ամերիկացիների կյանքը, ապա նա խոստացել է այնտեղ տեղակայել ԱՄՆ զինված ուժեր և «լուծել այդ խնդիրը»:
Միացյալ Նահանգներում անկարգությունները սկսվել են մայիսի 25-ից, երբ Միննեապոլիսում ոստիկանությունը ձերբակալման ժամանակ սպանել է աֆրոամերիկացի Ջորջ Ֆլոյդին: