Լուրեր
ՍԴ-ն պահպանում է մի քանի գնդակ, որոնք ուզում է ուղարկել ՀՀ դարպասը. ԱԺ-ն լուրջ անելիք ունի
  • 21:45
  • 2020-06-01
  • Դիտումներ՝ *

Մարդու իրավունքների եվրոպական դատարանն օրերս հրապարակել է իր խորհրդատվական կարծիքը Հայաստանի երկրորդ նախագահ Ռոբերտ Քոչարյանին առաջադրված մեղադրանքի՝ սահմանադրական կարգը տապալելու 300.1 հոդվածի վերաբերյալ, ինչպես նաև դրա կիրառմանը Մարդու իրավունքների եվրոպական կոնվենցիայի 7-րդ հոդվածի լույսի ներքո:

Թեմայի շուրջ «Առաջին լրատվական»-ի հետ քննարկմանը իրենց դիտարկումները ներկայացրին փաստաբաններ Լուսինե Հակոբյանը և Տիգրան Եգորյանը:

«Սահմանադրական դատարանը չորս հարց էր ուղղել ՄԻԵԴ: ՄԻԵԴ-ը շատ պարզ պատասխան է ուղարկել: Նախ՝ չի պատասխանել առաջին երկու հարցին՝ զարմանք արտահայտելով և ասելով, որ այդ հարցերը չեն բավարարում Կոնվենցիայի 16-րդ արձանագրության ստանդարտին և  չեն առնչվում գործին…ՄԻԵԴ-ի պատասխանի մեջ կարմիր թելի պես գնում է այն միտքը, որ գործը քննող դատարանը պետք է խորանա փաստերի մեջ, մեղադրանքը պետք է մանրամասն քննվի»,- նշեց փաստաբան Տիգրան Եգորյանը:

Լուսինե Հակոբյանի դիտարկմամբ՝ ակնհայտ է գործի ձգձգման միտումը Քոչարյանի պաշտպանական թիմի կողմից: «Պաշտպանները սպասում էին ՄԻԵԴ-ի կարծիքին, միգուցե հիմա էլ սպասում են Վենետիկի հանձնաժողովի կարծիքին: ՄԻԵԴ-ի պատասխանը եկավ արձանագրելու, որ գործի քննությունը պետք է իրականացված լիներ, որպեսզի Եվրոպական դատարանը կարողանար իրենց օգնել: Վենետիկի հանձնաժողովի կարծիքը էապես չի տարբերվի, աշխարհացունց բաներ չի ասի»:

«Սահմանադրական դատարանը ստեղծված իրավիճակում ունի մի քանի գնդակ, որոնք ուզում է ուղարկել ՀՀ դարպասը: ՍԴ-ն սպառվում է, վերջում ուզում է ինչ-որ բան անել՝ փորձելով ինքն իր կաշին փրկել»,- ընդգծեց Տիգրան Եգորյանը:

Քննարկման մասնակիցների դիտարկմամբ՝ ՍԴ ճգնաժամի լուծման առումով Ազգային ժողովը լուրջ անելիք ունի:

Մանրամասն՝ տեսանյութում:

  • Դիտումներ՝ *