Առողջապահության համաշխարհային կազմակերպությունը (ԱՀԿ) հրապարակել է ուսումնասիրության արդյունքները, որոնց համաձայն՝ նոր տիպի կորոնավիրուսային համավարակը բացասաբար է անդրադարձել այլ հիվանդությունների բուժման վրա: Այդ մասին հայտնում է ՌԻԱ Նովոստի-ն:
Այսպիսով, երեքշաբաթյա ժամանակահատվածում 155 երկրում անցկացված ուսումնասիրության արդյունքում պարզվել է, որ կորոնավիրուսը ամենամեծ ազդեցությունն ունի ցածր եկամուտ ունեցող երկրների վրա:
ԱՀԿ-ն հավելել է, որ քրոնիկ հիվանդություններով տառապող մարդիկ ռիսկի գոտում են։
ԱՀԿ-ի գլխավոր տնօրեն Թեդրոս Ադհան Գեբրիեսուսը նշել է, որ համավարակի սկսվելուց ի վեր քաղցկեղով, սրտանոթային հիվանդություններով հիվանդները լիարժեք օգնություն չեն ստացել: