Այսօր՝ հունիսի 1-ին, Ազգային ժողովում շարունակվում է նախորդ շաբաթ օրը սկսված հերթական նիստը: Այժմ քննարկվում է Դատախազության 2019 թվականի հաղորդումը:
«Ի՞նչ է արել Գլխավոր դատախազությունը վերջին առնվազն 20 տարիներին ընտրական հանցագործությունների վերաբերյալ»,- Գլխավոր դատախազ Արթուր Դավթյանին հարցրեց անկախ պատգամավոր Արման Բաբաջանյանը:
Նրա խոսքով`տեղ են գտել գոյություն չունեցող մոտավորապես 250-400 հազար մարդու ձայներ: «Ըստ էության Հայաստանում տեղի է ունեցել պետության բռնազավթում, իշխանության բռնազավթում: Քայլեր ձեռնարկո՞ւմ եք»,- հարցրեց նա:
Պատգամավորը հետաքրքրվեց նաև քվեաթերթիկների արխիվի վերաբերյալ:
Արման Բաբաջանյանը հիշեց նաև 1998թ. օգոստոսի 6-ին գլխավոր դատախազի աշխատասենյակում տեղի ունեցած ոճիրը. «Այդ օրը սպանվեց գլխավոր դատախազ Հենրիկ Խաչատրյանը: Հեղափոխությունից հետո ձեզ մոտ երբևէ միտք ծագե՞լ է այդ առեղծվածային գործը բացահայտելու»:
Մանրամասները՝ տեսանյութում:
