Հայաստանում անցած մեկ օրում կորոնավիրուսի դեպքերի թիվն աճել է 210-ով՝ հասնելով 9 հազար 492-ի, գրանցվել է հիվանդությունից մահվան ևս 8 դեպք, ընդհանուր՝ 139, հաղորդում է Առողջապահության նախարարությունը: Հիվանդությունից բուժվածների թիվն ավելացել է 16-ով և հասել 3 հազար 402-ի: Ըստ նույն աղբյուրի՝ իրականացված թեստավորումների ընդհանուր թիվը 58 հազար 668 է: Մահվան դեպքերի վերաբերյալ Նախարարությունը հայտնում է. – «Բուժառուները եղել են, 63, 65, 67, 69, 73, 81, 82, 81 տարեկան: Բացի վերջինից, մնացած բոլորն ունեցել են ուղեկցող քրոնիկական հիվանդություններ: Այսպիսով, կորոնավիրուսային հիվանդությունից տվյալ պահին Հայաստանում բուժվում է 5 հազար 896 մարդ: Թեմայի շուրջ «Առաջին լրատվական»-ը զրուցել է Հանրային առողջապահության մասնագետ, ԵՊԲՀ ներկայացուցիչ Խաչատուր Մարգարյանի հետ: