Ավտորիտար երկրներում երկրի ղեկավարի հիվանդությունը դառնում է պետական գաղտնիք, մեզ մոտ ամեն ինչ բաց է

Խոսքի ազատության պաշտպանության կոմիտեի նախագահ Աշոտ Մելիքյանը առողջություն է մաղթում վարչապետ Նիկոլ Փաշինյանին և նրա ընտանիքին, որոնք վարակվել են կորոնավիրուսով ու ընդգծում՝ մեզ մոտ ամեն ինչ հանրային է, չի թաքցվում, իսկ, օրինակ, ավտորիտար երկրի դեպքում ղեկավարի հիվանդությունը դառնում է պետական գաղտնիք։ Անդրադառնալով հարցին, թե այս լուրը կարո՞ղ է սթափեցնել հանրության այն հատվածին, որոնք շարունակում են չպահպանել հակահամաճարակային միջոցառումները, ընդգծում է՝ հազիվ թե։ Դիտարկմանը թե նրանք այն մարդիկ են, ովքեր ամեն օր դառնում են ապատեղեկատվություն ու մանիպուլյացիա սերմանող լրատվամիջոցների մեդիապրոդուկտի սպառող, և նրանց դժվար է հակառակը համոզել, համաձայնում է․ « Ֆեյք-բրիգադների շահարկումները ակտիվացել են, ԶԼՄ-ների քաղաքական պայքարը սրվել է»