Այսօր՝ հունիսի 1-ին, Ազգային ժողովում շարունակվում է նախորդ շաբաթ օրը սկսված հերթական նիստը: Այժմ շարունակում է քննարկվել Ավտոմոբիլային տրանսպորտի մասին օրենքում լրացում կատարելու մասին օրենքի նախագիծը:
«Ինչպես 90-ականներին, 2016 թվականին, այնպես էլ ցանկացած այլ պահի Ադրբեջանի սանձազերծած պատերազմը լինելու է ավելի քան համարժեք և ուժգին: Մենք մեր ապրելու իրավունքի պաշտպանության առաջ չենք ընկրկելու` անկախ կուսակցական պատկանելությունից և քաղաքական հայացքների տարբերությունից»,- հայտարարեց «Իմ քայլը» խմբակցության ղեկավար Լիլիթ Մակունցը` անդրադառնալով Ադրբեջանի պաշտպանության նախարար Հասանովի հայտարարություններին:
Նա միջազգային հանրության ուշադրությունը հրավիրեց այդ հայտարարության վրա. «Ադրբեջանը խախտում է ԵԱՀԿ Մինսկի խմբի կարևոր սկզբունքներից մեկը` ուժի և ուժի սպառնալիքի բացառման սկզբունքը»:
Մակունցն ընդգծեց, որ միջազգային կառույցները չպետք է անտարբեր լինեն նման հայտարարությունների հանդեպ. «Անտարբերությունը, որը կարող է ազատ արձակել Ալիևի ձեռքերը, ուժգին պատասխան է ստանալու և աղետալի հետևանքներ է ունենալու առաջին հերթին Ադրբեջանի համար»:
Մանրամասները՝ տեսանյութում:
