SpaceX-ի գործադիր տնօրեն, գյուտարար Իլոն Մասկը հայտարարել է, որ մարդկությունը կարող է հպարտանալ Crew Dragon կառավարվող տիեզերանավով, որով ամերիկյան տիեզերագնացները ուղևորվել են ՄՏԿ: Այս մասին նա հայտարարել է NASA-ի կողմից հեռարձակվող եթերում:
«Մարդկությունը կարող է հպարտանալ այս նվաճմամբ: Իհարկե, այս թռիչքն արձագանք կգտնի նրանց մոտ, ովքեր հոգով հետազոտող են»,- ասել է Մասկը:
Մասկի խոսքով, որ SpaceX-ի գլխավոր խնդիրը տիեզերագնացների անվտանգ վերադարձը Երկիր ապահովելն է:
SpaceX-ի կողմից ստեղծված Crew Dragon տիեզերանավի առաջին կառավարվող թռիչքը պետք է տեղի ունենար շաբաթ օրը Երևանի ժամանակով 23.22-ին: Սակայն այն չեղարկվել էր եղանակային պայմանների պատճառով մեկնարկից 20 րոպե առաջ: Falcon 9 հրթիռը պետք է ուղեծիր հասցնի Crew Dragon տիեզերանավը՝ տիեզերագնացներ Բոբ Բենկենին և Դագ Հերլիին:
