Առնվազն մեկ մարդ է մահացել Ինդիանա նահանգի Ինդիանապոլիս քաղաքում`Մինեապոլիսում սպանված աֆրոամերիկացի Ջորջ Ֆլոյդի մահվան առթիվ բռնկված բողոքի ցույցի ժամանակ: Այդ մասին հայտնում է CNN- ը՝ վկայակոչելով քաղաքի ոստիկանապետ Ռանդալ Թեյլորին:
Նրա խոսքով՝ հրազենային վնասվածքներ են ստացել ևս երեք մարդ:
Թեթև վիրավորվել է նաև իրավապահներից մեկը, հավելել է Թեյլորը:
Բողոքի ցույցերի պատճառը մայիսի 25-ին Մինեապոլիսում տեղի ունեցած սպանությունն է. ոստիկանը սպանել է աֆրոամերիկացի Ջորջ Ֆլոյդին: Այդ օրը ոստիկանության աշխատակիցը ձերբակալության ժամանակ ծնկով սեղմել է տղամարդու պարանոցը: Ֆլոյդը բղավել է, որ խեղդում է, բայց իրավապահ մարմինները դրան ուշադրություն չեն դարձրել: Տղամարդը մահացել է վերակենդանացման բաժանմունքում: