Գրեթե մեկամսյա ընդմիջումից հետո վերսկսվեց Հայաստանի առաջնությունը: 15-րդ տուրի խաղային առաջին օրը «Գանձասար»-ը Կապանում ընդունեց «Ուլիս»-ին, «Իմպուլս»-ը Իջևանում ուժերը չափեց «Փյունիկ»-ի հետ: Երկու հանդիպուներում էլ լարված պայքար էր ծավալվել և սակավաթիվ գոլեր գրանցվեցին:
Մինչ այս տուրը 3-րդ հորիզոնականում ընթացող «Ուլիս»-ը Գեորգի Կրասովսկու գոլի (23 ր.) շնորհիվ նվազագույն հաշվով առավելության հասավ կապանցիների նկատմամբ և վաստակած 30 միավորով ստանձնեց միանձնյա առաջատարի դիրքը, երկրորդը «Գանձասար»-ն է (29 մ.), երրորդը` «Փյունիկ»-ը (28 մ.):
Մյուս խաղում չեմպիոնը չկարողացավ հաղթել «Իմպուլս»-ին և ձեռքից բաց թողեց «Ուլիս»-ի հետ մրցաշարային աղյուսակը գլխավորելու հնարավորությունը: Այս խաղում գրանցվեց ոչ-ոքի` 1:1 հաշիվ: 71-րդ րոպեին տանտերերի կազմում աչքի ընկավ Վահագն Այվազյանը, 9 րոպե անց Հովհաննես Հովհաննիսյանը խփեց պատասխան գնդակը:
Վաղը կկայանան «Միկա»-«Շիրակ» և «Արարատ»-«Բանանց» հանդիպումները:
Լուսանկարը` Totalfootball-ի