Թաիլանդի կառավարությունը հայտնել է, որ նախատեսում է հուլիսի 1-ից բացել միջազգային ավիահաղորդակցությունը, ինչպես նաև ամբողջությամբ հեռացնել COVID-19-ի հետ կապված սահմանափակիչ միջոցները: Այս մասին հաղորդել է The Thaiger-ը:
Կայքի տեղեկություններով՝ հուլիսի 1-ից կվերացվեն բիզնեսի և գործունեության ոլորտում առկա սահմանափակումները, որոնք նախկինում ներդրվել էին կորոնավիրուսային պանդեմիայի պատճառով: Բացի այդ, երկրում կվերացվի արտակարգ դրությունը և պարետային ժամը, և կթույլատրվեն միջմարզային և դեպի արտերկիր ուղևորությունները։
Ինչպես նշվում է, դրա հետ մեկտեղ անվտանգության որոշ միջոցներ կշարունակվեն կիրառվել: Խոսքը դիմակներ կրելու և սոցիալական հեռավորություն պահպանելու մասին է։