Հյուսիսային Կորեայի իշխանությունները մեղադրելեն ԱՄՆ-ին իրենց երկրի իմիջը արատավորելու մեջ։ Փհենյանը կարծում է, որ կիբերհարձակումների մասին մեղադրանքները ոչ այլ ինչ են, քան Հյուսիսային Կորեայի պետությանը սևացնելու փորձ: Այս մասին հաղորդում է Reuters-ը՝ հղում անելով ԿԺԴՀ ԱԳՆ-ին:
«Մենք ցանկանում ենք մեկ անգամ ևս ընդգծել, որ մեր երկիրը կապ չունի այսպես կոչված «կիբեր սպառնալիք »-ի հետ, որի մասին խոսում է ԱՄՆ-ը», – հայտարարել են դիվանագետները:
Նախարարության հայտարարության մեջ ընդգծվում է, որ ԱՄՆ-ի նպատակը «Հյուսիսային Կորեայի հեղինակությունը արատավորելն է»: Դրան են ուղղված նաև ահաբեկչության ֆինանսավորման և փողերի լվացման մեջ մեղադրանքները:
Հաղորդվում է, որ ՀԴԲ-ն և ԱՄՆ մի շարք դաշնային գործակալություններ մայիս ամսվա սկզբին նախազգուշացում էին հրապարակել Հյուսիսային Կորեայի ցանցահենների սպառնալիքի վերաբերյալ: Նրանք, իբր, գողանում են անձնական տվյալները, թվային արժույթները և թալանում արևմտյան խոշոր բանկերը:
