Ֆրանսիացի գիտնականները պարզել են, որ կորոնավիրուսի ծանր ձևի զարգացման դեպքում հաճախ թրոմբներ են ձևավորվում: Հետազոտության արդյունքները հրապարակել է JAMA Open Network գիտական ամսագիրը:
Հաղորդվում է, որ խորը երակային թրոմբոզ է նկատվել հոսպիտալացվածների 65%-ի, վերակենդանացման բաժանմունք տեղափոխվածների 79%-ի, և երկու օրից ավելի այնտեղ գտնվողների 94%-ի մոտ՝ չնայած արյան խտացման դեմ պայքարին:
Ենթադրվում է, որ օրգանիզմում SARS-CoV-2-ի տարածման պատճառով բորբոքում է սկսվում, ինչը մեծացնում է արյան մակարդելիությունը: