ՄԻԵԴ-ը հրապարակել է իր խորհրդատվական կարծիքը ՀՀ Քրեական օրենսգրքի 300.1 հոդվածի վերաբերյալ՝ ՀՀ Սահմանադրական դատարանի դիմումի հիման վրա: «Առաջին լրատվական»-ի հետ զրույցում անդրադառնալով հարցին, թե արդյոք ՄԻԵԴ-ի խորհրդատվական կարծիքը պարունակում այնպիսի միտք, որը անորոշություն է առաջացնում կամ երկակի մեկնաբանության տեղիք է տալիս, իրավագետ, նախկին զինդատախազ Գագիկ Ջհանգիրյանը նշեց, որ չկա նման միտք. «ՄԻԵԴ-ը, ըստ էության, հաստատել է մեր մեկնաբանությունները, որ տալիս էինք 301 հոդվածի վերաբերյալ: Կարծում եմ՝ ՄԻԵԴ դիմող կողմը լուրջ հիասթափություն է ապրել՝ ծանոթանալով ՄԻԵԴ-ի պատասխանին, երկու հարցի ընդհանրապես չեն պատասխանել: Պետք է փաստենք, որ սա փորձագիտական, խորհրդատվական կարծիք է, բայց այն էապես կանխորոշում է նաև Վենետիկի հանձնաժողովի պատասխանը»:
Գագիկ Ջհանգիրյանի խոսքով՝ ՄԻԵԴ-ի կարծիքի համաձայն՝ Ռոբերտ Քոչարյանին կարող է մեղադրանք առաջադրվել 301.1 հոդվածով, այդ արարքը պետք է դիտել ժողովրդավարական երկրների չափանիշներին համապատասխան: Մեր զրուցակցի դիտարկմամբ, ըստ ՄԻԵԴ-ի կարծիքի, Կոնվենցիայի 7-րդ հոդվածի պահանջների խախտում չկա
Անդրադառնալով հարցին, թե որ հարցերին չի պատասխանել ՄԻԵԴ-ը՝ նշելով, որ դատարանն ուղիղ առնչություն չի գտել իրեն ուղղված երկու հարցի և նախկին նախագահի նկատմամբ քրեական հետապնդման գործընթացի մեջ, Գագիկ Ջհանգիրյանն ընդգծեց, որ դա «2 անհայտներով հավասարում է», քանի որ Սահմանադրական դատարանի դիմումի տեքստը հասանելի չի եղել, մինչդեռ ՍԴ-ն պարտավոր է դիմումի օրինակը ներկայացնել կողմերին: Գ. Ջհանգիրյանի խոսքով՝ Քոչարյանի գործով դիմող կողմը պարտվել է:
Անդրադառնալով հարցին, թե ԱԺ-ն իրավունք ունի՞ հանրաքվեն չեղարկելու, Գ. Ջհանգիրյանը պատասխանեց՝ քանի որ ժողովրդի կողմից առաջնային մանդատ ստացած այլ մարմին չունենք, քան ԱԺ-ն, ապա այս ֆորսմաժորային իրավիճակում հնարավոր է չեղարկել հանրաքվեն. «ԱԺ-ն կարող է չեղարկել իր կայացրած որոշումը: ՍԴ հարցը գտնվում է Ազգային ժողովի տիրույթում, այլ ճանապարհ չունենք»:
Մանրամասն՝ տեսանյութում:
