Կորոնավիրուսային համավարակով պայմանավորված վիրուսի բուժմամբ զբաղվող բուժաշխատողների վարձատրությունները միջինում 2-3 անգամ բարձրացել են։ Այս մասին ճեպազրույցում ասել է վարչապետ Նիկոլ Փաշինյանը։
«Ավելացումները ձևավորվել են պարգևատրումների ֆոնդի հաշվին բուժաշխատողների մասնագիտությանը համապատասխան՝ բժիշկ, միջին բուժանձնակազմ և կրտսեր բուժաշխատող։ Պարգևավճարներ են ստացել նաև շտապօգնության աշխատակիցները։ Առողջապահության նախարարությունը բուժաշխատողների համար ապահովում է նաև կեցության և սննդի հարցը»,- ասաց Փաշինյանը։
Ինչ վերաբերում է բուժանձնակազմի պակասին, ապա Փաշինյանը նշեց, որ ներկա պահին համակարգը կարիք ունի անեսթեզիոլոգ- ռեանիմատոլոգների։