Twitter- ը թաքցրել է ԱՄՆ նախագահ Դոնալդ Թրամփի այն հրապարակումը, որում նա գրել էր, որ կարող է Ազգային գվարդիայի զինվորներին ուղարկել Միննապոլիս, եթե քաղաքապետը հսկողության տակ չվերցնի իրավիճակը:
Քաղաքական գործչի հրապարակման տակ ծանուցում է հայտնվել, որ այս հրապարակումը «խախտում է Twitter-ի բռնության հերոսացման վերաբերյալ կանոնները»:
Ամերիկացի առաջնորդը քաղաքապետ Ջեյքոբ Ֆրեյին անվանել է «շատ թույլ արմատական ձախ», որը պետք է ստանձնի քաղաքի վերահսկողությունը կամ «անի այն ամենը, ինչ պետք է»:
Ֆրեյն, իր հերթին, պատասխանել է, որ Թրամփը քաղաքի ուժի մասին «ոչինչ չգիտի», իսկ այն «շատ ուժեղ է» և կհաղթահարի ներկայիս բոլոր դժվարությունները:
Նա շեշտել է, որ թուլությունը ճգնաժամի ընթացքում ուրիշին մեղադրելն է:
«Դոնալդ Թրամփը ոչինչ չգիտի Մինեսոտայի ուժի մասին: Մենք շատ ենք ուժեղ: Այո, այժմ դժվար ժամանակներ են, բայց մենք կարող ենք կարգավորել դա»,-Ֆրեյի խոսքերն է մեջբերել NBC- ն:
Ավելի վաղ հայտնի էր դարձել, որ Մինեսոտա նահանգում անկարգություններ են սկսվել ոստիկանի կողմից սպանված սեւամորթ Ջորջ Ֆլոյդի սպանության պատճառով:
