Վրաստանի նախկին նախագահ Միխեիլ Սահակաշվիլին, որն ավելի վաղ նշանակվել է Ուկրաինայի Բարեփոխումների գործադիր կոմիտեի ղեկավար, հայտարարել է, որ Կիևը վախենում է Ուկրաինայի մարզերում Ռուսաստանի ազդեցության ընդլայնումից և երկրի հետագա «բալկանացումից», հաղորդում է ՏԱՍՍ-ը:
Ըստ նրա, այժմ մի իրավիճակ է ստեղծվել, երբ «Ուկրաինայում բարեփոխումների գործընթացի բացակայությունը» շահեկան է Ռուսաստանի համար: Դրա ապացույցը կարելի է տեսնել ինչպես տեղեկատվության բաց աղբյուրներում, այնպես էլ «որոշ հետախուզական տվյալներում»,- նշել է Սահակաշվիլին: Նա կարծում է, որ սպառնալիքը կայանում է նրանում, որ ուկրաինական որոշ շրջաններ «կարող են հայտնվել Ռուսաստանի ազդեցության տակ»:
«Սա բալկանացման սցենար է»,- ասել է Սահակաշվիլին:
Նա նաև նշել է, որ Ուկրաինայի իշխանությունները կանեն «հնարավոր ամեն ինչ, որպեսզի այն չիրականացվի»: