Գերմանիայի էկոնոմիկայի նախարարության թվային տնտեսության և ստարտափերի գծով պատասխանատու Թոմաս Յարզոմբեքը ամերիկյան Twitter ընկերությանը կոչ է արել տեղափոխվել Գերմանիա այն բանից հետո, երբ ԱՄՆ նախագահ Դոնալդ Թրամփը քննադատության է ենթարկել այդ սոցիալական ցանցի ղեկավարությունը: Այս մասին նա գրել է Twitter-ի իր էջում:
Գերմանացի պաշտոնյան համապատասխան հրավեր է ուղարկել սոցիալական ցանցի ստեղծող Ջեք Դորսիին:
Յարզոմբեքի խոսքով, Գերմանիայում Դորսին և նրա ընկերությունը «ազատ կլինեն կառավարությանը քննադատելու, ինչպես նաև կեղծ լուրերի դեմ պայքարի հարցում»:
«Մենք հիանալի էկոհամակարգ ունենք ստարտափերի և տեխնոլոգիական ընկերությունների համար, ձեր ընկերությունը գերազանցապես կընդգրկվի այդտեղ, և ես ձեզ համար կբացեմ բոլոր դռները»,- գրել է Յարզոմբեքը:
Ավելի վաղ Թրամփը սպառնացել էր փակել կամ սահմանափակել սոցիալական ցանցերի աշխատանքը այն բանից հետո, երբ Twitter-ը նրա գրառումները որակել էր ոչ հավաստի:
Դրանից առաջ փոստով քվեարկելու մասին Թրամփի մի քանի գրառումների տակ փաստերը ստուգելու մասին ավտոմատ կոչ էր հայտնվել: «Տեսեք փոստով քվեարկելու մասին փաստերը» սոցցանցի կապույտ բացականչական նշանը հայտնվել է Թրամփի այս թեմայով արված երկու գրառումների տակ: Մակագրությունը նշելու դեպքում օգտատերը անցնում է Politico-ի «Թրամփը անհիմն հայտարարություններ է անում, որ փոստով քվեարկելը հանգեցնում է արդյունքների կեղծման» վերնագրով հոդվածին: