Facebook-ի ղեկավար Մարկ Ցուկերբերգը քննադատել է Twitter սոցիալական ցանցին՝ ԱՄՆ նախագահ Դոնալդ Թրամփի հրապարակումներից մեկը իրականությանը չհամապատասխանող նշելու համար, հաղորդում է Fox News-ը:
«Ես համոզված եմ, որ Facebook-ը չի կարող դատավոր լինել այն հարցում, երբ մարդիկ խոսում են օնլայն, հատկապես այն ընկերությունները, որոնք քննարկումների հարթակ են տրամադրում, չպետք է դա անեն»,-ասել է Ցուկերբերգը:
Ավելի վաղ Twitter-ը Թրամփի հրապարակումներից մեկը նշել էր որպես սուտ տեղեկատվություն պարունակող եւ հրապարակման տակ տեղադրել էր նախազգուշական պատկեր՝ օգտատերերին առաջարկելով ծանոթանալ փոստով քվեարկության փաստերին: Հղումն ուղղորդում է Politico-ի «Թրամփը անում է ոչ արդարացված հայտարարություններ, որ քվեարկության արդյունքում կեղծվում են արդյունքները» հոդվածին: