Tuesday, 19 03 2024
Նիկոլ Փաշինյանը շնորհավորել է Վլադիմիր Պուտինին նախագահի պաշտոնում վերընտրվելու առիթով
Ուղիղ. Նիկոլ Փաշինյանի և Ենս Ստոլտենբերգի ասուլիսը
Զախարովան մեկնաբանել է պատերազմի մասին Փաշինյանի խոսքերը
12:13
МИР քարտերի սպասարկման դադարեցում․ IDBank
12:09
Հայէկոնոմբանկի Visa Business քարտերն այժմ ավելի շահավետ պայմաններով
Երիտասարդ կինն ու տղամարդը կասկածվում են «Մեթամֆետամինի» ապօրինի շրջանառություն իրականացնելու մեջ․ նրանք կալանավորվել են
Ստոլտենբեգից հետո, Ստոլտենբերգից առաջ
Վարդենիս համայնքի սոցիալապես անապահով բնակիչներին ցուցաբերվել է առողջապահական աջակցություն
Մարզերում ևս շրջիկ առևտուրը կկանոնակարգվի
Ստոլտենբերգը ժամանեց Երևան
Բելգորոդի մարզում գնդակոծության զոհերի թիվն ավելացել է
11:30
Նավթի գներն աճել են. 18-03-24
Սիրիան հետ է մղել իսրայելական օդային հարձակումը Դամասկոսի վրա. SANA
«Мир» վճարային համակարգի քարտերը չեն աշխատի Հայաստանում. РБК
ՃՏՊ Սիսիան-Գորիս ավտոճանապարհին. կան զոհեր և տուժած
10:30
«Ադրբեջանի շահերից է բխում թույլ չտալ Պուտինի հաղթանակը»․ Ստոլտենբերգ
10:22
Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման
Բելգիայի Սենատում քննարկում կանցկացվի Հարավային Կովկասում իրավիճակի վերաբերյալ
ԵՄ արտգործնախարարները վերահաստատել են իրենց աջակցությունը Հայաստանին. Ստանո
ՊԵԿ-ը փետրվարին 150 հարկ վճարողի մոտ արձանագրել է ՀԴՄ կիրառման կանոնների խախտում
Ուղիղ. Ազգային ժողովի հերթական նիստը
Լուրերի առավոտյան թողարկում 10։00
Դիլիջանի ոլորանները փակ են բեռնատարների համար
4 պատճառ, թե ինչու չարձագանքել Պուտինի վերընտրությանը
Սպասվում են ինտենսիվ տեղումներ
Եթե նախկինում հնարավոր էր ընտրություն կատարել, այսօր չկա այլընտրանք, քան Եվրոպան
Արսենյանը չի ճանաչում իր գրասենյակի մոտ պայթուցիկ տեղադրելու գործով կալանավորվածներին․ մանրամասներ. «Ժողովուրդ»
Հանրահավաքը կպառակտի՞, թե՞ կմիավորի. «Հրապարակ»
Ռուսները նախազգուշացնում են՝ գենոցիդ ենք անելու
Ինչ է քննարկվել ՔՊ խմբակցության փակ նիստում. «Հրապարակ»

Մենք անսխալական չենք, բայց մեր թիմը անհանդուրժող է կոռուպցիայի հանդեպ․ Մակունց

«Առաջին լրատվական»-ի զրուցակիցն է Ազգային ժողովի «Իմ քայլը» խմբակցության ղեկավար Լիլիթ Մակունցը:

– Ազգային ժողովում քննարկվում էր արտակարգ դրության պայմաններում սահմանադրական հանրաքվեն չեղարկելու մասին օրենսդրական նախաձեռնությունը, որի հեղինակը «Իմ քայլը» խմբակցությունն է, ԱԺ մյուս խմբակցությունները դեմ արտահայտվեցին այդ նախագծին: Ձեզ համար հասկանալի՞ է, թե ինչու են դեմ:

– Նախագիծը վերաբերում է նրան, որ ռազմական դրության և արտակարգ դրության պայմաններում ԱԺ-ն հնարավորություն ունենա չեղարկելու հանրաքվեն, գործող օրենքով՝ այդ պայմաններում ընտրություններ չեն թույլատրվում: Ապրիլի 5-ին պետք է տեղի ունենար հանրաքվեն, սակայն կորոնավիրուսով պայմանավորված՝ չկայացավ, և շատ անորոշ է, թե երբ կկարողանանք անցկացնել: Քանի որ գտնվում ենք արտակարգ դրության պայմաններում, անհրաժեշտություն կա չեղարկել հանրաքվեն: Իսկ թե ինչու են դեմ մյուս խմբակցությունները, անկեղծ ասած, ինձ համար տարակուսելի է: Ենթադրում եմ, որ ընդդիմությունը հաջորդ քայլի հետ կապված է հայտնում իր դժգոհությունը:

Հիշեցնեմ, որ հանրաքվեն ՍԴ շուրջ ստեղծված իրավիճակը շտկելու մասին է, այն մասին է, որ 2015թ. ընդունված Սահմանադրությանը պետք է համապատասխանեն բոլոր կառույցները, այդ թվում՝ նաև ՍԴ-ն: Քանի որ հաջորդ քայլով ԱԺ-ն փորձելու է լուծել այդ հարցը, ինչի հետ կապված արդարադատության նախարարությունը հարցում է ուղարկվել Վենետիկի հանձնաժողով, կարծում եմ՝ դժգոհության պատճառը դա է: Ամիսներ առաջ ընդդիմությունը խոսում էր հանրաքվեի չգնալու մասին, ընդդիմության առանձին գործիչներ ասում էին՝ ինչու գնալ հանրաքվեի, եթե կարող ենք փորձել հարցը լուծել ԱԺ-ում, հիմա իրենց դիրքորոշումը հետաքրքիր կերպով փոխել են: Անորոշ է, թե որքան կարող է հետաձգվել հանրաքվեն, ենթադրում եմ, որ միգուցե ընդդիմության համար ավելի ընդունելի է, որ հանրաքվեն հետաձգվի անորոշ ժամանակով:

– Երբ հանրաքվեի անցկացման նախաձեռնությունը համարվում էր հակասահմանադրական, դա ընդունվում էր որպես քաղաքական ընդդիմախոսություն, բայց երբ նույն մարդիկ հիմա հանրաքվեի անցկացում են պահանջում և իշխանությանը մեղադրում, որ արդեն հանրաքվե անցկացնելու վախեր ունի, դա ի՞նչ համարել:

– Այդպիսի կարծիքներ հնչեցին, բայց որևէ նման բան չկա, մենք ամբողջ եռանդով պատրաստվում էինք քարոզարշավի գնալ, պատկերացում ունեինք մեր անելիքների մասին, բայց իրավիճակը, համավարակով պայմանավորված, անորոշ է, և մենք չենք կարող վտանգել մեր քաղաքացիների առողջությունն ու կյանքը: Սա շահարկելը և քաղաքական դաշտ տեղափոխելը տեղին չէ: Մեզ համար հանրաքվեի ճանապարհով գնալը շատ ավելի նախընտրելի կլիներ:

– Սյունիքի մարզում տեղի ունեցածը կոռուպցիո՞ն հետագիծ ունի, պարզ կրիմինա՞լ է, թե՞…

– Չեմ կարող ասել, բայց մի բան ակնհայտ է. այն, ինչ տեղի է ունեցել Սյունիքի մարզում, առանձին խմբեր փորձում են քաղաքականացնել, քաղաքական ենթատեքստ տալ, սա  անընդունելի է: Պետք է, ի վերջո, համակերպվել, որ ՀՀ-ում հնարավոր չէ քաղաքական և իրավական գործընթացները մեկտեղել, սա դիտարկում եմ որպես քաղաքական ճնշում դատաիրավական համակարգի նկատմամբ, ինչը թույլ չենք տալու:

– Քաջարանի քաղաքապետն առնչություն ունեցե՞լ է այս կոնֆլիկտին:

– Ըստ մամուլում շրջանառվող տեղեկության՝ նա ունի առնչություն:

– Նկատե՞լ եք, որ իշխանության նկատմամբ հակաքարոզչությունը ակտիվացել է, դուք պատրա՞ստ չեք այսպիսի հակաքարոզչության, թե՞ անտարբեր եք:

– Մենք ունենք այն մոտեցումը, որ պետք է շարժվենք մեր օրակարգով և գոյություն չունեցող երևույթներին չանդրադառնանք: Հաճախ որևէ թեմա է շրջանառվում, որը մեզ հետ կապ չունի: Օրինակ՝ ծխախոտի հետ կապված միջադեպը վերագրվում էր Սիփան Փաշինյանին և Հրաչյա Հակոբյանին, լուրեր են շրջանառվում Ռուբեն Ռուբինյանի՝ «Իմ քայլը» խմբակցությունը լքելու մասին… Երբ նկարագրվում են իրականության հետ կապ չունեցող երևույթներ, այդպիսի հորձանուտի մեջ մտնելը մեզ լավ տեղ չի տանի, հետևաբար առաջնորդվում ենք մեր օրակարգով, օրինակ՝ այսօր կարևոր օրինագիծ է քննարկվել ոստիկանության համակարգում բարեփոխումների վերաբերյալ: Պետք է շարժվել մեր քաղաքական օրակարգով և ապավինել լրատվամիջոցների օբյեկտիվ լուսաբանմանը:

– Նախկինները սկսել են ձեզ մեղադրել մի բանում, որում դուք եք նրանց մեղադրել՝ կոռուպցիոն գործերի մեջ ներքաշվելու մեջ: Սրանով ձեր նկատմամբ քաղաքական տեխնոլոգիա՞ է կիրառվում, թե՞ կոնկրետ տեղեկություններ կան, որոնք շրջանառվում են:

– Մեր քաղաքական թիմը անհանդուրժող է կոռուպցիայի նկատմամբ, դա տարբեր իրադարձություններով ապացուցվել է. մեր կողմից զրո հանդուրժողականություն կա կոռուպցիայի նկատմամբ: Մենք անսխալական չենք, ունենք թերացումներ, և մենք գիտենք այդ մասին, և պարբերաբար աշխատում ենք, որպեսզի շտկենք թերացումները և ավելի արագ գործենք. սա է մեր ճանապարհը: Իրենք շատ լավ ուսումնասիրում են մարդկանց տրամադրությունները, և քանի որ մարդկանց մոտ մեր նկատմամբ վստահություն կա, կա մոտեցում և ընկալում, որ միգուցե մեր քաղաղաքական թիմը երիտասարդ է, անփորձ է պետական կառավարման համակարգում, բայց ազնիվ է և որևէ կոռուպցիոն գործարքի մեջ չի ներքաշվում, իրենք փորձում են այդ ուղղությամբ աշխատել մեր դեմ, և հաճախ շրջանառվում են նյութեր, լուրեր, որոնք իրականության հետ ընդհանրապես եզրեր չունեն: Որոշ ժամանակ առաջ մի փոքր այլ միտում կար, եթե ճշմարտության մի փշուր կար, և դրա վրա էր կառուցվում կեղծ տեղեկատվությունը, հիմա այդ փշուրն էլ չկա:

– Ձեր կառավարության նախկին անդամը՝ ԱԱԾ նախկին տնօրենը հիմա ձեր հրաժարականն է պահանջում… Սա թերացո՞ւմ է, և ո՞ւմ թերացումն է:

– Չեմ կարող պատասխանել այդ հարցին: Կրկնեմ՝ քաղաքական և իրավական գործընթացները ՀՀ-ում հնարավոր չէ համատեղել, իսկ քաղաքական առաջարկը, որ իրենք ձևակերպում են, պետք է ուղղված լինի ոչ թե մեզ՝ քաղաքական մեծամասնությանը, այլ ՀՀ քաղաքացուն, որովհետև քվեն և աջակցությունը նրանցից պետք է ակնկալել:

– Ինչպե՞ս վերաբերվեցիք «Իմ քայլի» ներսում խմորումների մասին Վատիկանի նախկին դեսպանի ակնարկին:

– Արձագանքս նույնն է, ինչ քիչ առաջ հնչեցրի:

 

Հարցազրույցն ամբողջությամբ՝ տեսանյութում:

Բաժիններ
Ուղիղ
Լրահոս
Որոնում