Այսօր՝ մայիսի 27-ին, ԱԺ-Կառավարություն հարցուպատասխանի ժամանակ անկախ պատգամավոր Արման Բաբաջանյանի հարցն առնչվում էր համավարակին և ուղղված էր առողջապահության նախարար Արսեն Թորոսյանին:
«Ձեր գնահատմամբ` դիմակ կրելու այս նոր խստացման ռեժիմը ինչ արդյունք կարող է տալ, և երբ կարող եք գնահատել արդյունքները: Դուք նաև նշել էիք մոտավոր 300 մլն դոլարի ծախս. որտեղի՞ց ենք մենք այդ միջոցները ներգրավելու»,- հարցրեց նա` հետաքրքրվելով, թե արդյոք մեզ սպառնո՞ւմ է առողջապահական համակարգի փլուզում:
Ի պատասխան առողջապահության նախարարն ասաց, որ գնահատականները ամեն օր պետք է տրվեն. «Արդյունքները սովորաբար գնահատվում են 7-14 օրվա ընթացքում: Մենք պետք է ամեն ինչ անենք, որ թույլ չտանք այդ «կոլապսը»: Բարեբախտաբար, մինչև հունիսի վերջ մենք չենք ունենա 500 հազար դեպք, նույնիսկ նման ահագնացող տեմպերով աճելու դեպքում, և հետևաբար ֆինանսական կարիքները շատ ավելի համեստ են»:
Պատգամավորը հետաքրքրվեց նաև, թե որ դեպքում մենք կարող ենք վերադառնալ խիստ կարանտինային ռեժիմին` թույլ չտալու համար փլուզումը:
Մանրամասները՝ տեսանյութում:
