Այսօր՝ մայիսի 27-ին, ԱԺ-Կառավարություն հարցուպատասխանի ժամանակ պատգամավոր Տիգրան Ուրիխանյանը հայտարարեց. «Հիմա երևի շատերրը կմտածեն` Ուրիխանյանը հարցնելու է, թե հիմնադրամի փողերն ինչ եղան: Բայց ոչ, այդ հարցին կպատասխանի գլխավոր դատախազը և շատ շուտով: Սենց անեմ, բարի ժպիտս երևա»:
«Միքայել Մինասյանի մեղադրանքը եթե բոլորիս չանդրադառնար, ապա այդ հարցը չէի տա: Եթե ՀՀ-ից մաքսանենգ ապրանքով ինքնաթիռներ են պարբերաբար թռչում, դա ձեր վարկանիշի վրա ազդելու է: Գուցե դա ձեզ համար միևնույն լինի, բայց ինձ համար միևնույն չէ, որովհետև դուք իմ միայկ հայրենիքի, իմ մայր Հայաստանի, իմ երկրի ղեկավարն եք»,- նշեց պատգամավորը` վարչապետին խնդրելով ջախջախել այդ մտայնությունը և պահել բոլորիս վարկանիշը:
Ինչ վերաբերում է ծխախոտի արտահանման տիրույթին, վարչապետն ասաց, որ վերջին 5 տարում այդ համակարգում ոչինչ չի փոխվել. «Եթե այդտեղ կա պրոբլեմ, այդ պրոբլեմի պատասխանը պետք է պահանջել Միքայել Մինասյանի աներ Սերժ Սարգսյանից: ՀՀ իշխանությունը դրա հետ ոչ մի կապ չունի»:
Վարչապետի համոզմամբ` վերջին օրերի իրադարձությունների արդյունքում կոռուպցիոներները կսսկվեն. «Մեղադրյալը և իր ընտանիքը խորը ցեխի մեջ են, որից դուրս պրծնել չեն կարող: Մուկն էլ վերջից քաշի, չեն պլստալու:
Ձեզ եմ փոխանցում, հույս ունեմ` կբավարարի»:
Մանրամասները՝ տեսանյութում:
