Apple կորպորացիան դիտարկում է ԱՄՆ-ում Youtube-ի հիմնական մրցակցին՝ Hulu-ն, գնելու տարբերակը: Այս մասին հաղորդում է The Wall Street Journal-ը: Hulu-ն պատկանում է 3 խոշորագույն մեդիակորպորացիաներին՝ Walt Disney-ին, News Corp.-ին և NBC Universal-ին: Այս կայքը ստեղծվել էր որպես Youtube-ի մրցակից, այստեղ կարելի է դիտել ամերիկյան խոշորագույն երեք հեռուստաալիքները՝ ABC, Fox և NBC:
Hulu-ն ինտերնետում սերիալների և զվարճալի հեռուստահաղորդումների որոշ դրվագներ ցուցադրելու երկարատև և էքսկլյուզիվ պայմանագրեր ունի, ինչն աննախադեպ երևույթ է ամերիկյան մեդիաշուկայի համար: Հեղինակային իրավունքները պաշտպանելու համար Hulu-ն օգտագործում են միայն ԱՄՆ-ում, որտեղ այն համարվում է ամենահայտնի կայքերից մեկը և մրցակցում է Youtube-ի հետ, որը պատկանում է Google-ին: Աշխարհի մնացյալ մասում Hulu-ն գրեթե հայտնի չէ: