Արթուր Վանեցյանի խոսքում նաև ակնարկ կար, որ հայրենիքի նվիրյալներից մեկն էլ ինքն է, որ պատրաստ է առանց պարգևավճարի ծառայել հայ ժողովրդին, ուղղակի այդ դեպքում պետք է հարց տալ, թե ինչու էր ինքը ժամանակին ստանում պարգևավճար: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Հրաչյա Հակոբյանը:
«Բացի այդ, եթե կհիշեք, Արթուր Վանեցյանը Նիկոլ Փաշինյանից հետո առաջին այն պաշտոնյան էր, որը առաջինը շտապեց տեղավորվել կառավարական ամառանոցում: Այսինքն Նիկոլ Փաշինյանն ի պաշտոնե չէր կարող չգնալ ամառանոցում ապրելու, բայց Արթուր Վանեցյանը և շատ այլ պաշտոնյաներ կարող էին դեռ չտեղավորվել կառավարական ամառանոցում: Ինքն առաջինը նախընտրեց տեղափոխվել ամառանոցներ: Ինչպե՞ս ստացվեց, որ պաշտոնանկությունից հետո, երբ ուզում է առանց պարգևավճարի ծառայել ժողովրդին, պաշտոնանկությունից հետո տեղափոխվեց մեկ մլն դոլարանոց տանը ապրելու կամ այն օրը տեսանք, թե ինչ թանկարժեք մեքենայով է շրջում»,-ասաց նա:
