Հոկտեմբերի 27-ի ահաբեկիչները եկել են կարմիր ֆոյե և աստիճաններով բարձրացել վերև. ըստ Գուրգեն Եղիազարյանի ինքն ահաբեկիչներին հանդիպել է հենց այդ աստիճանների վրա, որտեղ իրեն պարտադրել են գնալ, ինքն էլ վազելով հեռացել է: «Առաջին լրատվական»-ի հետ զրույցում լրագրող Վահագն Ղուկասյանը, ով մեկ տարի առաջ է վերադարձել Հայաստան, խոսեց հոկտեմբերի 27-ից, իր կողմից կատարված բացահայտումներից:
Ահաբեկիչներով բարձրանում են դեպի նիստերի դահլիճ, հիմա նիստերի դահլիճը վերանորոգից հետո ձևափոխվել է, այն ժամանակ 5 դուռ ուներ: Մտնում են դռնով և մոտենում առաջին շարքերին: Առաջին կրակոցն ուղղված էր Վազգեն Սարգսյանի ուղղությամբ: 11 վայրկյան տևում են առաջին կրակոցները: Դրանից հետո մեկ րոպե հայհոյանքներ են հնչում: Դրանից հետո 2-3 վայրկյան հետո եղբայրն է մտնում ու ուղիղ դեպի նախագահական բարձրանում և կրակում ԱԺ նախագահի ու տեղակալների վրա»,-ասաց նա: