Վրաստանի էկոնոմիկայի և կայուն զարգացման նախարար Նաթիա Թուրնավան հայտարարել է, որ համաշխարհային շուկայում գնանկման հիմքով վերանայել են «Գազպրոմ» ընկերության հետ կնքված պայմանագրի դրույթները. Վրաստանին մատակարարվող գազի գինը նվազելու է մոտ 15 տոկոսով:
էներգետիկ խնդիրների շուրջ «Առաջին լրատվական»-ը զրուցել է ԱԺ «Իմ քայլը» խմաբկցության պատգամավոր Անուշ Բեղլոյանի և միջազգայնագետ Սուրեն Սարգսյանի հետ:
«Կորոնավիրուսի համավարակով պայմանավորված՝ աշխարհում փոփոխություններ են տեղի ունենում: Հատկանշական է, որ մեծ պետությունները, տարածաշրջանային առաջնորդները փոխում են իրենց քաղաքականությունը հարևան երկրների հանդեպ, և փորձում են իրենց կողմից անտեսված երկրներին ներքաշել դաշնակիցների շրջանակ: Վրաստանը հետխորհրդային տարիներին հեռու է եղել ռուսական արտաքին քաղաքական վեկտորներից, և հիմա Ռուսաստանը լրացուցիչ քայլեր է ձեռնարկում Վրաստանի հետ նոր հարաբերություններ կառուցելու համար»,- նշեց Անուշ Բեղլոյանը՝ հավելելով, որ ԵԱՏՄ գրեթե բոլոր երկրները Ռուսաստանի հետ ունեն տարբեր խնդիրներ և դժգոհություններ:
Սուրեն Սարգսյանի դիտարկմամբ՝ գազի գինը քաղաքական խնդիր է. «Գազի գինը առավելապես քաղաքական պայմանավորվածությունների արդյունքնում է ձևավորվում»:
Միջազգայնագետի խոսքով՝ Հայաստանին մատակարարվող գազի գնի վերաբերյալ անկյունաքարային հայտարարություն էր Լավրովի հայտարարությունը՝ եթե մեզանից ակնկալում եք ռազմավարական վերաբերմունք, ապա նաև դուք պետք է մեր նկատմամբ ռազմավարական վերաբերմունք ցուցաբերեք»:
Մանրամասն՝ տեսանյութում:
