Լուրեր
Կճոյանը, Տիգրան Սարգսյանն ու Աշոտ Սուքիասյանը պետք է վերադարձնեն ոչ թե իմ, այլ ժողովրդից թալանածը

Այսքան տարի ես բարձրաձայնում եմ Կճոյանների հանցագործությունների մասին, բայց ոչ մի արդյունք։ Հիմա ես շատ-շատ շնորհակալ եմ հեղափոխությանը, որ այսքան տարի կարող եմ Կճոյանին ու մյուսներին տեսնել մեղադրյալի աթոռին»,- «Առաջին լրատվական»-ի հետ զրույցում ասաց գործարար Փայլակ Հայրապետյանը:

Հայրապետյանը հույս հայտնեց, որ Կճոյանից հետո մեղադրյալի աթոռին պետք է հայտնվեն նաև նախկին վարչապետ Տիգրան Սարգսյանը և Կճոյանի սանիկը՝ Աշոտ Սուքիասյանը, որը վերջերս Վերաքննիչ դատարանի շնորհիվ հայտնվեց ազատության մեջ, թեև դատարանը նրան դատապարտել էր 16 տարվա ազատազրկման։

Հայրապետյանը հիշեցրեց, որ Կճոյանի, Տիգրան Սարգսյանի մասը օֆշորի գործից առանձնացված էր ու դեռևս քննվում էր, Կիպրոսում առկա փաստաթղթերում նրանց ստորագրությունների մասով փորձաքննություններ էին նշանակված, բայց նախորդ իշխանության ժամանակ այդ մասով քննությունը տեղում դոփում էր։ «Բայց սրանից 3-4 օր առաջ քննիչն ինձ կանչեց և ասաց, որ Կճոյանի ու Սարգսյանի, Աշոտ Սուքիասյանի ստորագրությունների մասով նշանակված փորձաքննությունը ավարտվել է և հաստատվել է, որ օֆշորային փաստաթղթերում առկա ստորագրությունները պատկանում են նրանց։ Այն դեպքում, որ և՛ Աշոտը, և՛ Կճոյանը, և՛ Տիգրան Սարգսյանը հերքում էին, թե այդ ստորագրությունները իրենց են պատկանում։

  • Դիտումներ՝ *