Լուրեր
Առաջիկա 4 օրերը վարակի տարածման առումով ռիսկային են. խիստ զգուշացում․ Արայիկ Հարությունյան
  • 12:18
  • 2020-05-27
  • Դիտումներ՝ *

ՀՀ ԿԳՄՍ նախարար Արայիկ Հարությունյանը կարծում է, որ առաջիկա հանգստյան չորս օրերը վարակի տարածման առումով վտանգավոր են լինելու։

Կառավարության այսօրվա նիստի ընթացքում նախարարն ասաց, որ իրենց տեղեկություններով որոշ խմբեր ուսումնական տարվա ավարտի հետ կապված լոկալ միջոցառումներ են նախատեսում. «Թեպետը ուսումնական հաստատություններին այս առումով զգուշացրել ենք, որ նման միջոցառումներ չիրականացնեն, բայց այդպիսի տեղեկություններ ունենք, և հիմա նույնպես այդ ուղղությամբ աշխատում ենք»,-ասաց Արայիկ Հարությունյանը՝ ուսումնական հաստատություններին կոչ անելով՝ առաջիկայում զերծ մնալ նման միջոցառումների կազմակերպումից։ Արայիկ Հարությունյանը, իհարկե համաձայնեց, որ Վերջին զանգը շրջանավարտների կյանքում կարևոր միջոցառում է, բայց հիմա պետք է զերծ մնալ նման միջոցառումներից և խստորեն պահպանել պարետատան որոշումները. «Առաջիկա չորս օրերն այդ առումով կարևոր են լինելու։ Նաև սրբավայրերի հետ կապված, նախորդ շաբաթ Սպիտակի ՍԲ. Հովհաննես մատուռի մոտ հսկայական կուտակումներ են եղել, և սոցիալական ցանցերում ու մամուլում այդ նկարները կան, կխնդրեի ոստիկանությունը նաև այստեղ հսկողություն իրականացնի և թույլ չտանք նման կուտակումներ»,-ասաց Արայիկ Հարությունյանը։

  • Դիտումներ՝ *