Retail Groups ընկերության մեջ մտնող խանութներում հանդերձարանները չեն գործի։ Այս մասին լրագրողներին հայտնել է ընկերության տնօրեն Ռեզո Մագալաշվիլին։
Խոսքը գնում է ֆիրմային բրենդային այնպիսի խանութների մասին, ինչպիսիք են՝ Zara, Massimo Dutti, Oysho, Bershka, Stradivarius և այլ խանութները, որոնք ներկայացված են Թբիլիսիում գտնվող մեծ առևտրի կենտրոններում։
Ըստ Մագալաշվիլիի, քանի որ հագուստը կորոնավիրուսով վարակվելու բարձր ռիսկ է ներկայացնում, ընկերությունը որոշել է համավարակի կանխարգելման համար որոշ միջոցներ ավելացնել:
Ըստ նրա, միևնույն ժամանակ ապրանքների վերադարձի և փոխանակման մի շարք հատուկ ընթացակարգեր կավելացվեն: Մասնավորապես, հետ վերադարձված իրերը կարանտին կանցնեն և միանգամից սրահ չեն տեղափոխվի։
